【Kill Time 恩物】接龙 25 周年办大赛向 Mic

今时今日大家好多时都係拎住部手机「笃笃吓」，玩得几咁入神，Facebook、Instagram、Whatsapp 成为大家 Kill Time 良伴。不过上个世纪智能手机未流行，大家对住电脑，好多时都係用 Windows 内置小游戏「接龙」消磨时间，这款游戏不经不觉面世 25 周年，今次 Microsoft 更将举办赛事，等大家可以向 Microsoft 员工挑机。

如果大家有返咁上下「脑龄」，可能都会玩过 Windows 3.0 内的「接龙」，呢款游戏经典在唔需要花巧，玩下玩下都可以响不知不觉间玩足一日，以前更有唔少人返工无嘢做，日日对住个接龙解闷。去到今时今日，都市人咁忙，可能 Microsoft 都知大家唔会再有时间玩「接龙」，所以去到Windows 8，就将成个游乐场抽起，而变成要到 App Store 下载。

为了庆祝呢款经典游戏 25 周年，Microsoft 将会搞两个「接龙」比赛，一个专为微软员工内部而设，另一个则是公开组比赛，将会于 6 月 5 日开始，等大家可以同微软员工一齐挑机，作为「接龙」的 Fans，係时候去 Windows 8／8.1 的程式集中下载 Microsoft Solitaire Collection 重温一下，话唔定你都可以同微软嘅高手挑战呀！