16个艺人转行做老师可以教呢啲科 个个即刻想返学！

对于某啲学生哥嚟讲，返学已经够闷，日日对住同一班严肃嘅老师就更闷！日前有网民以「如果啲艺人走去做老师，佢哋会似教边科？」为题喺连登出post，唔少网友都留言选出心人选，如果有呢班艺人教你以下嘅科目，唔知会唔会激发你想读书嘅冲动呢？

16个艺人转行做老师可以教呢啲科中文科—周柏豪

好多人都以为一身潮Look兼打开篮球嘅周柏豪係体育科老师人选，但係佢真正嘅技能係写作啊！有「乐坛大文豪」之称嘅佢，喺2012年为一只打烂咗嘅水杯写咗篇短文，文中有齐描写同抒情手法，仲道出一个人生道理，如果有周柏豪教大家中文，相信同学仔必夺5星星。

「原来人生觉得最烂的事情，也未必是最糟」周老师教导大家，遇到挫折切勿放弃！

英文科—吴彦祖

喺美国长大嘅吴彦祖，靓仔之余又识讲流利英文，相信女学生上佢堂就成个人精神晒。

除咗英文，吴彦祖仲识普通话、上海话、广东话、西班牙语，想学外语嘅学生们可以喺课余时间请教下吴sir！

数学科—王梓轩

做人就最梗要唔好畀个框框框住自己，想法要有创新先可以突破旧有想法，有「神算轩」之称嘅王梓轩曾经喺节目上讲过前所未有嘅数学理论。

2015年王梓轩喺无綫节目《Big Boys Club》访问李逸朗（Don），当时Don分享自己无钱时曾经喺北京做抹大厦外墙以帮补生计，一日搵百几蚊。点知王梓轩突然讲：「百几蚊一日，一个月都有三万几。」就被心水清嘅网民即刻封佢为「神算轩」同「数学大师」，相信由王sir教数学绝对教到学生唔好读死书！

通识科—黄子华

有睇过黄子华栋笃笑都会知道，子华神经常用幽默方式去探讨时事，易入脑之余又一定唔会觉得闷。

地理科—周润发

发哥经常行山，相信好熟悉香港地理，如果由佢带学生实地考察，家长都一定放心。

化学科—方力申

方力申曾经喺电视节目《美女厨房》中凭肉眼就分得出啲奶係真定假，真係化验程序都悭返，由佢做化学老师，应该可以教到学生目测任何嘢都分辨到当中成份。

中史科—古天乐

「下一世，别理谁叫高祖；别要赌，天命最高。」曾经喺秦朝生活过嘅古天乐可谓历史界KOL，学生可以掉低教科书直接问呢本「人肉历史书」，更有可能得知教科书以外鲜为人知嘅秘闻……

经济科—刘青云

刘青云喺92年剧集《大时代》入面创造大奇蹟日，有预知股市升跌能力嘅佢，话唔定会教学生投资添。

家政—陈咏谦

由陈咏谦填词，陈柏宇主唱嘅《别来无恙》，入面一句「我现时自己肯造饭」成为全首歌最入脑歌词，后来更被改编成成首歌都只有呢一句，睇嚟陈咏谦做家政老师绝对走唔甩。

音乐科—黄宗泽

连乐坛天王陈奕迅都抵受唔住黄宗泽嘅「音魔功」，证明泽仔已经登上乐坛高峰。而且同学仔唔使惊有师生隔阂，因为泽仔会想同你哋hoho地相处。

游水—马浚伟

喺暴雨警告讯号底下都可以安然无恙游水嘅马浚伟，绝对可以教到学生求生知识。

视艺科—李克勤

当年曼联死忠粉丝李克勤，拎住亲手製作嘅纪念品送畀领队费格逊，点知最后发现纪念品被弃置喺更衣室。不过老实讲，其实份礼又真係唔算样衰，睇得出克勤係用心良苦去製作，如果佢做到视艺老师就可以教学生整纪念品喇！

戏剧系—陈芷菁

由着名主持及司仪陈芷菁大师教授戏剧，大家除咗可以了解莎士比亚之外，更可以大大声对外讲：「我读Drama㗎！」攞返个彩都好啊嘛！

机械工程—罗家英

失败乃成功之母，作为一个工程师或发明家，就必须有勇于挑战同创新嘅思想。如果由罗家英教大家机械工程，必定能够发明划时代伟大发明，下一个诺贝尔化学奖得奖者分分钟係你！

代课老师—郑伊健

向来老师请假学生都会变甩绳马骝，如果搵郑伊健做代课老师，学生一定唔敢恰佢，因为郑Sir分分钟会早过你出手。

校长—黄秋生

黄秋生做校长嘅资历都数一数二，不过多年嚟佢嘅学生都係猪、牛、龟等，要佢一下子面对人或者需要多啲时间去适应。

黄秋生间唔中都可以替陈芷菁教戏剧，又或者代替陈咏谦上家政班教大家整人肉叉烧包。

如果以上嘅艺人都摇身一变变成教师，你哋又有无兴趣入学呢？